Vidhnin me dhunë qytetarët në Durrës, kapet një nga hajdutët, tjetri shpallet në kërkim
Nga OraNews Përditësimi i fundit 6 Maj 2023, 11:32
Një person është arrestuar ndërsa një tjetër është shpallur në kërkim në Durrës pasi grabitën me dhunë tre qytetarë.
Shërbimet e Komisariatit të Policisë Durrës, në vijim të punës për parandalimin dhe goditjen e veprimtarisë kriminale të vjedhjes së pasurisë, falë bashkëpunimit me qytetarët të cilët kanë denoncuar vjedhjen e sendeve personale, kanë organizuar dhe finalizuar operacionin policor të koduar “Seriali", si rezultat i të cilit u arrestua në flagrancë shtetasi:
- P. C., 38 vjeç, banues në Shkodër, si dhe u shpall në kërkim shtetasi M. H., 26 vjeç, banues në Shkodër.
Nga veprimet hetimore ka rezultuar se këta 2 shtetas, gjatë ditëve të fundit, iu kanë vjedhur me dhunë 3 shtetasve, një varëse floriri, një unazë dhe një celular.
Vijon puna, në drejtimin e Prokurorisë, për zbardhjen dhe dokumentimin e vjedhjeve të tjera që mund të jenë kryer nga këta shtetas.
Materialet i kaluan Prokurorisë së Durrësit, për veprime të mëtejshme.
