Arrestohet pastori i famshëm i akuzuar për 'vrasje masive të besimtarëve'
Nga OraNews Përditësimi i fundit 27 Prill 2023, 20:21
Një nga pastorët më të njohur të Kenias, Ezekiel Odero, u arrestua sot për "vrasje masive të besimtarëve", njoftoi Ministrja e Brendshme, Kithure Kindik.
Mes zbulimeve të vazhdueshme për tragjedinë e pyllit Sakahola, ku një tjetër pastor i vetëshpallur bindi dhjetëra ndjekës të tij të vdisnin nga uria për të siguruar "një vend në Parajsë", lajmi për arrestimin e Oderos erdhi si rrufe.
Ministrja e Brendshshme nuk dha hollësi mbi akuzat kundër Oderos, një ish-peshkatar i cili e deklaroi veten pastor 15 vjet më parë dhe më parë tërhoqi deri në 40,000 besimtarë në kishën e tij në rrethin Mavueni.
Në një nga mitingjet e tij, gjatë së cilës ai shiti shishe me “ujë të shenjtë” dhe copa pëlhure që gjoja shëronin çdo sëmundje, ishte e pranishme gruaja e zëvendëspresidentit Rigathi Gachagua.
Kanali i Ezekiel Oderos në YouTube "Neë Life - Prayer Center and Church" ka pothuajse 450,000 ndjekës.
Në arrestimin e tij, Odero u shfaq i qetë, i veshur me veshje krejt të bardha dhe një Bibël në dorë.
Presidenti kenian Ëilliam Ruto ka njoftuar se autoritetet do të ndërmarrin veprime kundër pastorëve të vetëshpallur "të cilët promovojnë 'ideologji të errëta dhe të papranueshme'" për ndjekësit e tyre.
Ndërkohë, kërkimi në pyllin Sakahola (Lindje) nxjerr në dritë më shumë viktima të pastorit Paul Mackenzie Nthenge, i "Kishës Ndërkombëtare të Lajmit të Mirë".
Deri më sot, 103 besimtarë janë gjetur të vdekur nga anëtarët e ekuipazhit që krehnin zonën pyjore.
