SHBA, Bob Kennedy junior është një kandidat për demokratët në Shtëpinë e Bardhë
Nga OraNews Përditësimi i fundit 19 Prill 2023, 19:25
Bob Kennedy junior kandidon për demokratët në garën për Shtëpinë e Bardhë, në zgjedhjet presidenciale të vitit 2024.
Ai e njoftoi zyrtarisht duke i nisur sfidën Joe Biden për nominimin për Partinë Demokratike.
Njoftimi erdhi në fillim të prillit, por me ngjarjen e Bostonit vjen edhe zyrtarizimi i synimeve të nipit të ish-presidentit Jfk.
“Unë jam këtu për të shpallur kandidaturën time për zgjedhjet. FalEnderoj gruan time, do ta takoni, është shumë argëtuese dhe do të jetë mirë ta kemi në Shtëpinë e Bardhë”.
Më parë një avokat i lartë në çështjet mjedisore, Robert Jr është i bindur që nuk i ka dhënë zë teorive konspirative rreth vaksinave, 5G dhe monedhave dixhitale.
"Një pjesë e familjes sime nuk është këtu me mua sot. Shumë prej tyre nuk e mbështesin atë që po bëj: ata kanë një vizion tjetër të politikës dhe unë respektoj mendimet e tyre", nënvizon Robert Kennedy Jr duke iu referuar mungesës së një pjese të familjes së tij të famshme.
“Një nga parimet e fushatës sime dhe të presidencës sime do të jetë përfundimi i ndarjeve që ekzistojnë në vend: duhet të flasim për vlerat që kemi të përbashkëta, jo për ato që nuk biem dakord”.
Djali i Bob kishte hyrë në titujt kryesorë gjatë pandemisë si një eksponent kryesor i lëvizjes kundër vaksinave, duke shkuar aq larg sa të etiketonte masat e kontrollit të Covid të promovuara nga supervirologu amerikan Anthony Fauci si "fashiste".
Në shkurt 2021 Instagram e kishte përjashtuar për përhapjen e informacionit të rremë në lidhje me Covid.
Dhe vitin e kaluar ai përfundoi në qendër të kritikave pasi gjatë një mitingu kundër vaksinave në Uashington, tha se ishte "më e lehtë për Anne Frank t'u shpëtonte nazistëve se sa për amerikanët t'i shpëtonin vaksinimit të detyrueshëm".
