VIDEO/ I moshuari francez ngjitet 38 kate pa litar për t'i çuar mesazh Macron
Nga OraNews Përditësimi i fundit 19 Prill 2023, 15:18
Një francez vendosi të marrë pjesë në protestat e pensioneve, për të shprehur kundërshtimin e tij ndaj planeve të presidentit francez duke u ngjitur në një ndërtesë 38-katëshe në Ministrinë e Mbrojtjes në Paris.
Alain Robert , 60 vjeç, u ngjit në majë të ndërtesës pa litar, por duke përdorur duart dhe një palë këpucë ngjitjeje.
"Unë jam këtu për të treguar mbështetjen time për ata që kundërshtojnë reformën e pensioneve," i tha ai Reuters para se të fillonte ngjitjen e tij 150 metra në kryeqytetin francez.
"Unë jam këtu për t'i thënë Emmanuel Macron që të kthehet në tokë... duke u ngjitur pa një rrjetë sigurie," shtoi ai.
Robert tha se ndryshimet e pensionit, të kombinuara me humbjet që ai ka pësuar për shkak të pandemisë së koronavirusit, do të thotë se ai do të duhet të vazhdojë të punojë dhe të ngjitet për shumë më gjatë.
