Këlliçi: Premtimi numër 1 i kësaj fushate, transporti publik do të jetë falas për 200 mijë qytetarë

Nga OraNews Përditësimi i fundit 10 Prill 2023, 19:38

Në një takim me banorët e njësisë numër 5, kandidati i opozitës për bashkinë e Tiranës, Belind Këlliçi tha se Erion Veliaj tallet me inteligjencës e qytetarëve.

Ai shtoi se për transportin publik 140 mijë bileta priten mesatarisht në ditë, herë 40 lekë janë 54 milionë lekë në ditë në muaj shkon 1.5 milionë euro ose 18 milionë euro në vit.

Këlliçi: A ka qytetar që duhet ta lejojë Erion Veliaj që të tallet me inteligjencën tonë? Kush nga ju e ka përdorur trenin elektrik të Erion Veliajt? Po a ka tallje më të madhe? E kishin harruar qytetarët, unë e kam nxjerrë dhe do ta rinxjerr gjatë gjithë kohës një premtim të famshëm që ka bërë që do ta kishte përfunduar brenda vitit 2020 ku do të ndërtonte një tren elektrik që brenda Tiranës të punonte me energji elektrike se nuk e ndot Tiranën ai nuk e ndot ambientin dhe sapo të dilte nga Tirana të punonte me naftë. Po a ka tallje më të madhe se kjo me qytetarët? Sigurisht për ata që besojnë 1 milionë pemët dhe trenin elektrik ne jemi gabim dhe plani jonë nuk është i mirë prandaj atyre u ka hyrë frika për premtimin numër 1 të kësaj fushate “autobusët falas”.

Transporti publik falas! Çfarë do të thotë, fare shkurt, kostoja është 140 mijë bileta priten mesatarisht në ditë herë 40 lekë janë 54 milionë lekë në ditë në muaj shkon 1.5 milionë euro, në vit shkon 18 milionë euro. 1.5 I subvencionon sot që flasim bashkia për karburantin mbeten 16.5. të gjithë pyesin, janë shqetësuar të gjithë analistët e bashkisë që të gjithë këta që dalin nëpër media dhe vetëm mbjellin panik, përçarje dhe fake neës çdo natë. Ku do të gjenden paratë? Po pse more kur paska 430 milionë euro për incinerator fantazmë nuk ka 16.5 për transport publik falas për 200 mijë qytetarë në ditë? Të gjithë more të gjithë, jo pensionistët. Të gjithë! Jo, ta them unë, të gjithë ne në këtë sallë paguajmë incineratorin e Tiranës që nuk ekziston 14 milionë euro në vit. Ku do të gjenden paratë? A e dini sa është buxheti i Bashkisë Tiranë në vit, është 240 milionë euro. Është vetëm 6.8% e një buxheti kaq të madh për të zgjidhur një problem për 200 mijë qytetarë në ditë.