Gabriel Escobar mbërrin nesër në Tiranë, zbardhet axhenda
Nga OraNews Përditësimi i fundit 10 Prill 2023, 16:10
Gabriel Escobar, i dërguari i posaçëm i SHBA-së për Ballkanin Perëndimor do të takojë të martën dhe të mërkurën krerët e politikës shqiptare. Zgjedhjet e 14 majit, pritet të jenë në fokus të diskutimeve.
I dërguari i posaçëm i SHBA-së për Ballkanin Perëndimor, Gabriel Escobar do të nisë të martën një tur takimesh me krerët e politikës shqiptare.
Mësohet se pas mbërritjes në Tiranë ai do të diskutojë fillimisht me kryeministrin Edi Rama, njëkohësisht edhe kryetar i Partisë Socialiste.
Më tej axhenda do të vijojë me presidentin Bajram Begaj.
Zyrtari i lartë amerikan pritet që takimet me përfaqësuesit e opozitës ti zhvillojë një ditë më pas, kur të mërkurën do të diskutoj me kryetarin e Partisë së Lirisë, Ilir Meta, njëkohësisht drejtues i koalicionit "Bashkë fitojmë".
Axhenda do të vijojë me kryetarin e komanduar të Partisë Demokratike, Enkelejd Alibeaj.
Ashtu si dhe pritej Escobar nuk do të ketë takim me ish- kryeministrin Sali Berisha, i cili është i shpallur person non grata nga SHBA.
Vizita e tij vjen vetëm 3 ditë nga nisja zyrtare e fushatës elektorale, ndaj pritet që kjo të jetë tema kryesore e bisedës.
Më herët prej partive politike në Shqipëri është kërkuar respektimi i kodit elektoral si dhe propozimi i kandidaturave të pastra.
Axhenda 11 prill
Takim me Ramën në 16:00
Takim me Begaj në 17:00
Axhenda 12 prill
Takim me drejtues të opozitës Alibeaj-Meta (oraret e papërcaktuara)
