U kap me pistoletë në automjet, pranga të riut në Tiranë
Nga OraNews Përditësimi i fundit 5 Prill 2023, 15:23
Një 23-vjeçar është arrestuar nga policia e Tiranës pasi qarkullonte me automjet, i armatosur.
Shërbimet e Komisariatit të Policisë Nr. 2 kanë finalizuar operacionin policor të koduar "Mesnata"si rezultat i tij u arrestua në flagrancë shtetasi M. H, banues në Tiranë.
Në Selitë, shërbimet e Policisë kanë ndaluar automjetin me drejtues shtetasin M. H., dhe gjatë kontrollit të automjetit, gjetën një armë zjarri pistoletë dhe municion luftarak, të cilat u sekuestruan në cilësinë e provës materiale.
Materialet i kaluan Prokurorisë, për veprime të mëtejshme procedurale.
