Zbulimi i frikshëm i policisë, gjermanët kapen me 14 kafka në bagazh
Nga OraNews Përditësimi i fundit 3 Prill 2023, 19:44
Oficerët e policisë në Austri u përballën me një pamje të frikshme gjatë një kontrolli.
Të premten e kaluar rreth orës 22:50, policia në shtetin austriak të Carinthia kontrolloi dy gjermanë që po udhëtonin me automjetin e tyre.
Kur zyrtarët hapën bagazhin e makinës, u mahnitën. Brenda tij kishte 14 kafka.
Shoferi 43 vjeç dhe pasagjeri i tij 35 vjeç dëshmuan se kishin vjedhur pjesët e skeletit nga një "Karner" i aksesueshëm lirisht në komunën e Mölbling, sepse ata ishin shumë të interesuar për kulturat e zisë dhe varrimit.
Ishte hera e parë që vodhën eshtra.
A ishin vjedhësit e kockave satanistë? Gazetari Manfred Ërussnig thotë se "Popullsia është e tmerruar që po bëhen përpjekje vazhdimisht, veçanërisht nga satanistët, për të vjedhur kafka nga Karnern".
Pas përfundimit të hetimeve, dy gjermanët u akuzuan për prishje të qetësisë së të vdekurve.
