"Për dy vite paga mesatare 900 euro", Preçi: Përpjekje e fortë elektorale për të joshur më të varfërit
Nga OraNews Përditësimi i fundit 29 Mars 2023, 17:03
Kryeministri Edi Rama ka bërë sot një premtim elektoral vetëm disa javë para zgjedhjeve, duke deklaruar se paga mesatare do të shkojë në 900 euro.
Eksperti i ekonomisë Zef Preçi në një intervistë për RTV Ora u shpreh se këtë lëvizje e shihte thjesht si një përpjekje të fortë elektorale për të joshur të moshuarit dhe të rinjtë.
Preçi u shpreh se një gjë e tillë do të ishte presion për sektorin privat me pasoja të pakundërshtueshme në prodhim e kosto.
"Rendimendi i punës dhe klasa e mesme janë tkurur, që do të thotë që prodhohet më pak. Rritja e pagave po dnodh duike shkurtuar fondet në arsim, mjekësi ushtri etj e duke ia shtuar administratës. E shoh këtë lëvizje si një përpjekje të fortë elektorale duke joshur më të varfërit siç janë pensionistët dhe pjesën e të rinjve.
E shoh si një lloj presioni që po ushtrohet në sektorin privat që mund të çojë në rritjen e kostos së të bërit biznes dhe në pasoja të tjera të pakundërshtueshme," tha ai.
