Dëshmia e banorëve të zonës: Në momentin e përplasjes së trenave, në stacionin e Larisës po festohej
Nga OraNews Përditësimi i fundit 3 Mars 2023, 07:44
Probleme po shkakton denoncimi i avokatit të një viktime në aksidentin në Tempe.
Siç ka përmendur Giorgos Bartzokis teksa ka folur për SKAI-n, disa banorë i kanë dhënë një informacion mbrëmë vonë.
Banorët e zonës ku është stacioni i OSE-së në Larisa, i thanë atij se natën fatale , pas nisjes së trenit, në sallën e stacionit është bërë një festë me muzikë.
“Kam marrë një informacion nga banorë të zonës së OSE Larisa, ku ndodhet stacioni. Më thanë se në momentin e aksidentit dëgjoheshin këngë dhe brohoritje nga salla e stacionit të Larisës.
Si një festë... Kjo ndodhi pas orës 11 të natës , pas nisjes së trenave. Sapo treni u nis nga Larisa, filloi muzika”, tha z. Bartzokis, avokati i veprimit civil të Lazos Papazisis.
Madje, siç theksoi ai, i është thënë se festa me muzikë ka ndodhur për të dytën ditë radhazi.
