Hulumtimi: Sa më mirë të flejë një person, aq më shumë vite mund të jetojë
Nga OraNews Përditësimi i fundit 23 Shkurt 2023, 15:42
Gjumi i mirë do të thotë jetëgjatësi më e gjatë dhe sa më i mirë të jetë gjumi , aq më shumë vite mund t'i shtojë jetës, tregon një studim i ri shkencor amerikan. Edhe ata të rinj me zakone më të shëndetshme të gjumit kanë më pak gjasa të vdesin para kohe. Sipas hulumtimit, rreth 8% e vdekjeve nga çdo shkak mund t'i atribuohen pjesërisht gjumit të dobët.
Studiuesit, të udhëhequr nga Dr. Frank Qian i Qendrës Mjekësore Beth Israel Deaconess dhe Shkollës Mjekësore të Harvardit, i cili bëri njoftimin në një konferencë ndërkombëtare të kardiologjisë në SHBA, studiuan të dhënat për 172,321 njerëz me një moshë mesatare 50 vjeç, të cilët u ndoqën mesatarisht mbi katër vite, gjatë të cilave vdiqën 8681 njerëz. 30% e vdekjeve ishin për shkaqe kardiovaskulare, 24% për kancer dhe 46% për shkaqe të tjera.
Midis atyre me të pesë faktorët e cilësisë së gjumit, jetëgjatësia ishte mesatarisht 4.7 vjet më e gjatë për burrat dhe 2.4 vjet më e gjatë për gratë sesa ato me asnjë ose vetëm një faktor të mirë të gjumit. Nevojiten më shumë kërkime, sipas studiuesve, për të kuptuar pse burrat që flenë shumë mirë kanë dyfishin e jetëgjatësisë se gratë që flenë shumë mirë.
Hulumtimet e mëparshme kanë treguar se gjumi i pakët dhe i tepërt mund të ndikojnë negativisht në zemër.
