"Kur të shihni videon do kem vdekur", iraniani vetëvritet në Francë për të tërhequr vëmendjen e botës ndaj represionit në Iran
Nga OraNews Përditësimi i fundit 27 Dhjetor 2022, 22:19
Në një mesazh të ashpër por rrëqethës, një 38-vjeçar iranian u vetëvra të hënën, duke u hedhur në lumin Rhone në Lyon për të tërhequr vëmendjen për gjendjen e vështirë të vendit të tij, i cili është tronditur nga një valë protestash.
Mohammad Moradi, i cili jetonte në Lyon që nga viti 2019, u gjet i mbytur mbrëmë vonë, tha policia për AFP, duke konfirmuar informacionin nga gazeta lokale Le Progres.
Zjarrfikësit e tërhoqën në breg të lumit, por nuk mundën ta risillnin në jetë.
“Policia po sulmon njerëzit, kemi humbur shumë djem dhe vajza, diçka duhet bërë”, thotë 38-vjeçari me zë të qetë në një video të postuar në disa rrjete sociale, përpara se të hidhej në lumë.
Duke iu drejtuar banorëve të Lionit, Moradi thotë:
"Ju më njihni mirë mua dhe gruan time. Por tani në vendin tim ka një lëvizje të madhe kundër dhunës së qeverisë”. Vendosa të vras veten duke rënë në Rhone, për të treguar se ne iranianët jemi shumë të lodhur nga kjo situatë”.
“Kur ta shihni këtë video, unë do të jem i vdekur. Jam i lumtur sepse e zgjodha këtë rrugë pa asnjë stres. Unë nuk jam i trishtuar. Vendosa ta bëj këtë për t'i treguar gjithë botës se ne iranianët kemi nevojë për ndihmë. Ju lutemi kujdesuni për vendin tim, Iranin”, vazhdon ai, përpara se t'i bëjë thirrje popullit iranian për mbështetje në luftën e tyre kundër "policisë dhe qeverisë jashtëzakonisht të dhunshme".
Kishte thirrje në mediat sociale për një tubim të martën pasdite në qendër të Lionit për të nderuar viktimën.
Irani po përjeton një valë protestash të paprecedentë që nga Revolucioni Islamik i vitit 1979.
Protestat u nxitën nga kërkesat për të drejtat e grave pas vdekjes së Mahsa Amini, pasi ajo u arrestua me akuzën e shkeljes së kodit të rreptë të veshjes në vend për gratë.
Por ata shpejt evoluan në protesta kundër establishmentit iranian.
View this post on Instagram
