Kinë, autoritetet nxjerrin me forcë nga shtëpia një burrë pozitiv me Covid
Nga OraNews Përditësimi i fundit 3 Dhjetor 2022, 22:22
Pamje tronditëse qarkullojnë në internet orët e fundit, të cilat tregojnë trajtimin e dhunshëm të një burri nga autoritetet në Kinë, i cili duke qenë pozitiv për Covid-19, refuzon të shkojë në një qendër karantine.
Sipas Daily Mail, video dyshohet se është regjistruar në një shtëpi në Hangzhou, kryeqyteti i provincës kineze të Zhejiang, në lindje të vendit.
Burri shtrihet, i mbuluar me batanije, ndërsa zyrtarët e tërheqin me dhunë për ta çuar me forcë në një qendër karantine.
"Mos më shty”, bërtet burri teksa e nxorën me dhunë nga shtëpia.
Pavarësisht njoftimeve për lehtësim të masave, duket se autoritetet kineze po vendosin ende kufizime të rrepta në mënyrë veçanërisht të ashpër, si pjesë e strategjisë “zero Covid”.
Dy burrat me uniformë bërtasin "vëre maskën" dhe e tërheqin burrin nga krahët, i cili nga ana tjetër përpiqet të mbahet në divan.
“Mos më shty, a je i çmendur?”, bërtet ai i dëshpëruar.
Më në fund e heqin nga divani dhe e nxjerrin nga shtëpia.
Vendndodhja ku është çuar nuk dihet.
Gruaja që regjistron skenën bërtet duke u kërkuar autoriteteve që të mos jenë kaq të dhunshëm.
View this post on Instagram
