I vuri zjarrin një sipërfaqe toke në Tragjas, arrestohet autori me automatik dhe fishek në fole
Nga OraNews Përditësimi i fundit 23 Shtator 2022, 08:58
Një person është arrestuar pasi dyshohet se i ka vënë zjarrin një sipërfaqe toke në fshatin Tragjas, ndërsa dyshohet dhe për një zjarrvënie tjetër në fshatin Dukat.
Për këtë nga policia u arrestua shtetasi N.S.
Ndërkohë gjatë kontrollit fizik, këtij shtetasi iu gjet dhe iu sekuestrua një armë zjarri automatik, me fishek në fole.
"Ai është kapur në flagrancë nga shërbimet e Policisë, në fshatin Tragjas, duke ndezur zjarr në një sipërfaqe toke me bimësi.
Gjithashtu, nga hetimet dyshohet se shtetasi N. S. është dhe autori i dyshuar i një rasti tjetër të zjarrvënies, më datë 15.09.2022, në fshatin Dukat, ku u dogj një sipërfaqe e konsiderueshme toke me bimësi të egër dhe një sipërfaqe toke me pemë ulliri," njoftoi policia.
Nga specialistët për Hetimin e Krimeve të Komisariatit të Policisë Vlorë u referuan materialet në Prokurori dhe nisi procedimi penal në gjendje të lirë, për veprën penale “Shkatërrimi i pronës me zjarr”, për shtetasit:
Gjithashtu u proceduan penalisht për zjarrvënie dhe dy shtetas të tjerë:
-E. B., pasi duke bërë pastrimin e bimëve të egra në ullishten e tij, me anë të djegies me zjarr, dyshohet se aksidentalisht zjarri ka dalë jashtë kontrollit dhe për pasojë është djegur një sipërfaqe e konsiderueshme me bimësi, në fshatin Kaninë;
-M. B., pasi duke punuar me troko, për shkak të shkëndijave janë djegur disa bimë dhe si pasojë e përhapjes së flakëve është djegur një sipërfaqe toke me bimësi dhe me pemë ulliri.
