Ditë feste dhe dalje e rrallë për fituesen e çmimit “Oscar”, Diane Keaton nderohet në teatrin kinez
Nga Besmira Pelushaj Përditësimi i fundit 12 Gusht 2022, 13:37
Aktorja amerikane, Diane Keaton, la gjurmët e saj në oborrin legjendar të Teatrit Kinez në Hollywood. Fituese e shumë çmimeve prestigjioze, 76-vjeçarja mori pjesë në ceremoni e shoqëruar nga dy fëmijët e saj të birësuar.
Një ditë festë dhe një nga daljet e rralla për aktoren amerikane, fiturse e çmimit “Oscar”, Diane Keaton.
76-vjeçarja u nderua me gjurmën e dorës në një ceremoni simbolike në Teatrin Kinez në Hollywood.
E shoqëruar nga dy fëmijët e saj dhe bashkëshorti, I vajzës së saj Dexter, Jordan White, aktorja rrezatonte e gjitha, e rrethuar nga të dashurit e saj.
"Jam shumë me fat që qëndroj këtu përballë jush në Teatrin Kinez Grauman në këtë periudhë të jetës time, në këtë vend ku fillimisht fillova të projektoj mundësinë e një ëndrre, "- tha ajo gjatë fjalimit të saj. “Unë jam ende ajo e vogla Diane Hall e ngërthyer në emocione.”
Vajza e Diane gjithashtu u shpreh e lumtur për nënën në Instagramin e saj.
“Çfarë dite e mrekullueshme për të nderuar nënën time! Jam shumë krenare për ty dhe ky është një nder i jashtëzakonshëm. Të dua”, ka shkruar Dexter krahas një fotoje të saj, nënës dhe vëllait të saj, Duka.
Diane ka një karrierë të vlerësuar nga kritikët që përfshin mbi gjashtë dekada. Ajo është fituese e çmimit Oscar, Golden Globe dhe BAFTA. Por thesaret e saj më të mëdhenj janë dy fëmijët e saj të birësuar, vajza 27 dhe djali 22-vjeçar.
Ylli i "Something's Gotta Give" adoptoi Dexter dhe Duke kur ajo ishte në të pesëdhjetat e saj. Një nënë beqare, Diane vitin e kaluar tregoi se pse nuk u martua kurrë. Aktorja u shpreh se nuk donte të humbiste pavarësinë e saj.
