Nënat shqiptare bëhen bashkë në Përmet, ushqime e veshje tradicionale
Nga Entjola Budo Përditësimi i fundit 8 Gusht 2022, 17:41
Nonat e Shqipërisë u mblodhën së bashku në Përmet. Nga pothuasje të gjitha zonat e vendit, zonjat sollën në qytetin e luleve një atmosferë krejt ndryshe.
Disa kishin gatuar ushqime tradicionale.
"Kemi gatuar qumështor, byrek me lakra, petanik, byrek me kungull, byrek me domate."
Të tjera kishin sjellë punimet e dorës.
"Pjesëmarrje që na dha shumë kënaqësi. Jemi me artizanat."
Interesi ishte i lartë, kryesisht nga të huajt.
"U pëlqyen modelet, disa i fotografuan."
"Të gjithë turistët e huaj vijnë për gatimet. Më falenderojnë."
Panairi i kulinarisë dhe artizanatit në Festën e Nonave shihen si mundësi shumë e mirë zhvillimi, promovimi dhe përfitimi për qytetin e vogël jugor.
