Rusisë "i dorëzohen" njëmijë ushtarë të batalionit "Azovstal"
Nga Ora News Përditësimi i fundit 18 Maj 2022, 11:41
Ministria ruse e Mbrojtjes ka deklaruar se rreth 1000 luftëtarë të fabrikës së Azovstal janë dorëzuar.
"694 luftëtarë nga ushtria ukrainase dhe batalioni Azov janë dorëzuar gjatë 24 orëve të fundit. Kurse totali i atyre që janë dorëzuar deri tani është 959", deklaron ajo.
Më herët zëvëndësministrja ukrainase e mbrojtjes Hanna Maliar, tha se ata janë në negociata me palën ruse për lirimin e ushtarëve të kapur dhe për të nxjerrë ata që janë ende në fabrikë.
Ushtarët që po largohen nga fabrika po dërgohen në territorin e kontrolluar nga forcat ruse.
Shumë prej ushtarëve janë të plagosur dhe nuk dihet se sa janë ende në fabrikë.
