Tritol për konflikte pronësie, dy të rinj Fushë-Kruja në gjyq për sulmin ndaj kompleksit në Shëngjin
Nga Elvis Hila Përditësimi i fundit 28 Janar 2022, 20:33
Dy të rinj nga Fushë Kruja do të përballen me drejtësinë për sulmet me eksploziv përgjatë vitit 2020 të një kompleksi në ndërtim tek Rana e Hedhun në Lezhë. Shkak i sulmeve, sipas hetimit ishin konfliktet e pronësisë për truallin.
Prokuroria e Lezhës ka mbyllur hetimet duke vënë dy persona nën akuzë për sulmin me eksploziv ndaj një kompleksi në ndërtim në zonën e Ranës së Hedhun, ngjarje e muajit Nëntor 2020.
Dosja hetimore është dërguar për gjykim me të pandehur shtetasit Angli Stafuka dhe Erald Pajtani që të dy banues në Fushë-Krujë.
Ndaj tyre janë ngritur akuzat "Shkatërrimi i pronës me eksploziv”, “Prishja e qetësisë publike”, “Mbajtja pa leje e municioneve luftarake” e kryer në bashkëpunim.
Sipas burimeve prokuroria ka arritur të provojë se këta shtetas në bashkëpunim me njëri tjetrin janë autoret e vendosjes së eksplozivit në objektin në ndërtim në pronësi të biznesmenit Liman Gjoka në zonen e Ranës së Hedhur në Shëngjin.
Fillimisht u ndalua nga policia Erald Pajtani dhe pas hetimeve 7 muaj pas ngjarjes u zbulua dhe arrestua dhe bashkëpunëtor i tjetër 21-vjeçari Angli Stafuka.
Dy të rinjtë i kanë mohuar në vazhdimësi akuzat e ngritura ndaj tyre, duke deklaruar se nuk kanë lidhje me ngjarjen, por referuar dosjes hetimore prokuroria, përmes pamjeve filmime dhe qelizave telefonik ka arritur të zbulojë implikimin e dy të ringjeve në tritolvënie.
Objekti në ndërtim i biznesmenit Liman Gjoka u sulmua dy herë me lëndë plasëse, konkretisht në muajit nëntor dhe dhjetor të vitit 2020, ndërsa për shpërthimin e dytë ende nuk është arritur të zbardhet.
Shkak i këtyre ngjarjeve dyshohet të jenë bërë konfliktet e pronësisë në lidhje me truallin ku po ndërtohej objekti disa katesh.
