"Meshkujt vetëm llafe kanë" Sa të mirë janë shqiptarët në dashuri? Qytetari: Vdesim për dashuri, mos të lëntë Zoti pa grua
Nga OraNews Përditësimi i fundit 20 Janar 2022, 09:15
Edhe pse përkufizimi është i vështirë, mund të themi se dashuria është ndjenja më e fuqishme dhe e jashtëzakonshme për një njeri.
Por sa dashuri bëjnë shqiptarët dhe kush janë më të mirë në dashuri, burrat apo gratë? Kjo ishte tema e rubrikës Vox Pop me Enkin, në emisionin "Ditë e Re" në ekranin e RTV Ora.
Ndonëse të flasësh për dashurinë mbetet tabu për një pjesë të shoqërisë sonë, megjithatë qytetarët thonë se gratë janë më të mira në dashuri.
Përgjigjet e qytetarëve:
"Më shumë femrat, sepse meshkujt vetëm llafe kanë."
"Bëjnë sikur bëjnë dashuri, nuk besoj se kanë eksperiencat e mjaftueshme."
"Shqiptarët vdesin për dashuri. Ne nuk mund të flasim në sy të njerëzve për dashuri se nuk na le sedra. Mos të lëntë Zoti pa grua, vetmia është gjë e madhe."
"Meshkujt bëjnë më pak dashuri."
"Në Shqipëri kanë turp të flasin për dashurinë."
"Femrat bëjnë më shumë dashuri. Meshkujt e kanë mendjen vetëm ti tregojnë shokëve se çfarë bëjnë."
"Dashuri bënim në kohën e Saliut, Edi na shpalli "non grata nga mesi e poshtë."
"Jetoni , dashuroni, sepse dashuria ju mban gjallë."
