Edhe në Shkodër 11 policë pozitivë në testin e drogës, do ketë një ritestim

Nga OraNews Përditësimi i fundit 6 Dhjetor 2021, 15:15

11 efektivë policie në Shkodër kanë rezultuar pozitivë në testin e drogës.

Burime nga policia bëjnë me dije se do të ketë një ritestim, pasi dyshohet se janë bërë gabime në kryerjen e testit.

Pritet udhëzimi i brendshëm i Policisë së shtetit mbi të  gjithë procedurën që do të ndiqet.

Vetë efektivët e kanë mohuar faktin se janë përdorues të lëndës narkotike.

Ditën e sotme rreth 20 efektiva të komisariateve të policisë së Tiranës kanë rezultuar përdorues të lëndëve narkotike.

Prej 2 javësh efektivat nga drejtoritë e gjithë qarqeve në vend po i nënshtrohen analizës së gjakut dhe urinës për këtë qëllim.

Të parët që i janë nënshtruar testimit për lëndë narkotike janë efektivat që punojnë në sektorët e rendit me më tepër kontakt me qytetarët.