Video/ Konfiskohen 5.2 ton kokainë e ndarë në 183 pako, ishte fshehur në anijen me vela
Nga OraNews Përditësimi i fundit 19 Tetor 2021, 15:56
Autoritetet portugeze thanë të hënën (18 tetor) se kishin kapur një ngarkesë prej 5.2 ton kokainë të fshehur në një anije me vela me regjistrim spanjoll.
Sipas autoriteteve u arrestuan 2 shtetas spanjollë dhe një tjetër nga Peruja.
Shefi i policisë gjyqësore Luis Neves, duke treguar 183 pako të drogës në një bazë detare jashtë Lisbonës, tha se ishte "transporti më i madh i lëndëve narkotike në Portugali në 15 vjet".
"Kjo është një goditje e rëndë për ata që duan të 'përmbytin' Evropën me kokainë," u tha ai gazetarëve.
Tre personat e arrestuar dyshohet se i përkasin një grupi të strukturuar kriminal që kontrabandon sasi të mëdha të kokainës nga Amerika Latine në Evropë.
Njëri është një trafikant i njohur tashmë për autoritetet pasi ka precedentë të mëparshëm penalë në këtë fushë, thanë autoritetet spanjolle në një deklaratë./OraNews/
