Detaje nga vrasja makabre e shqiptares në Athinë: Policia e dinte për sherret por heshti
Nga OraNews Përditësimi i fundit 31 Korrik 2021, 07:15
31-vjeçarja nga Elbasani, Anisa Shehu humbi jetën dje, pasi bashkëshorti i preu fytin me thikën e mishit, që përdorte në lokal.
Ngjarja e rëndë ka ndodhur dje në orët e mesditës në lagjen Dhafni, në Athinë.
Mediet greke raportojnë se Anisa dhe Florand Shehu prej kohësh kishin në debate mes tyre, ndërsa shkaku kryesor ishte xhelozia e tij.
Autori deklaroi se e vrau bashkëshorten për shkak të xhelozisë.
40-vjeçari para një muaj ishte thirrur nga policia pas debateve që kishin, por ata ishin mjaftuar vetëm në një këshillim për çështjen.
Viktima u gjet në banesë në një pellg gjaku me shumë shenja thike në trup.
Çifti i shqiptarëve ka një djalë 10 vjeç, ndërsa autori nga Buzi i Tepelenës ka një lokal në Athinë.
Para një viti lokali ishte mbyllur për 1 muaj mbas një sherri që çifti kishte bërë brenda biznesit.
