Vdekja e Vera Isakut/ Meta mesazh ngushëllimi: Personalitet i respektuar i gazetarisë dhe publicistikës shqiptare
Nga OraNews Përditësimi i fundit 22 Korrik 2021, 22:55
Presidenti Ilir Meta, ka shprehur ngushëllimet për ndarjen nga jeta të shkrimtares dhe gazetares Vera Isaku, në moshën 66 vjeçare.
Në një postim që ka bërë në rrjetet sociale, kreu i shtetit shkruan se Isaku ishte personalitet i respektuar i gazetarisë dhe publicistikës shqiptare, autore e një sërë veprash të vlerësuara, qytetare dhe familjare model.
Postimi i plotë
Me pikëllim mora lajmin për ndarjen e parakohshme nga jeta të intelektuales aktive, Vera Isaku.
Personalitet i respektuar i gazetarisë dhe publicistikës shqiptare, autore e një sërë veprash të vlerësuara, qytetare dhe familjare model, kontributi i saj për kulturën, progresin dhe emancipimin shoqëror e ka merituar nderimin dhe respektin e mbarë opinionit.
Duke ndarë dhembjen me familjen Isaku, të afërmit, kolegët dhe bashkëpunëtorët e saj, ju shpreh ngushëllimet më të ndjera.
Të prehet në paqe!
Ditën e sotme, u nda nga jeta pas një sëmundje të gjatë dhe të pashërueshme në moshën 66 vjeçare shkrimtarja dhe gazetarja Vera Isaku.
E lindur ne Bilisht, ku kaloi vitet e saj të fëmijërisë dhe të rinise së hershme , Vera Isaku kreu më pas studimet universitare për letërsi në Universitetin e Tiranes. Pas përfundimit të universitetit, së bashku me bashkëshortin, poetin Agim Isaku, ajo jetoi dhe punoi për një kohë të gjatë në Lezhë.
