Tjetër shpërthim në Etna, tym dhe hi 5 km mbi nivelin e detit
Nga Besmira Pelushaj Përditësimi i fundit 27 Qershor 2021, 15:09
KOKA: Vullkani Etna në Itali ka shpërthyer sërish dhe vazhdon të lirojë llavë dhe hi në qiell. Etna është një nga vullkanet me aktivë në botë.
Autoritetet italiane u thanë banorëve se nuk kanë nevojë të shqetësohen.
Me një lartësi 3,324 metra mbi nivelin e detit, Etna është vullkani më aktiv në botë dhe ka shpërthyer shpesh në 500,000 vitet e fundit.
Edhe këtë fudnjavë, aktiviteti në kraterin jug-lindor të Etnas kaloi gradualisht në një burim llave.
Sipas Institutit Kombëtar të Gjeofizikës dhe Vullkanologjisë, emetimi i materialit ndezi një re shpërthyese që arriti një lartësi prej rreth pesë kilometrash mbi nivelin e detit.
Sipas teknikëve dhe kërkuesve të observatorit të Etnas, vullkani po mbahet nën mbikëqyrje për shkak të intensifikimit të aktivitetit.
Amplituda e dridhjes vullkanike u regjistrua në vlera të larta me një trend në rritje, por aeroporti ndërkombëtar i Catania-s vazhdon aktivitetin normalisht.
I ndodhur në ishullin italian të Sicilisë, Etna fle dhe zgjohet herë pas here.
Mali vullkanik ofron shpërthime disa herë në vit, duke nxjerrë llavë dhe hi në lartësinë e ishullit mesdhetar.
Shpërthimi i fundit i madh i Etnës ishte në 1992-shin.
Pamjet e shpërthimeve të zjarrta të vullkanit bëjnë shpesh xhiron e botës duke tërhequr madje çdo vit turistë të shumtë, të apasionuar pas dukurive të natyrës.
