Oksigjen në Mars
Nga Besmira Pelushaj Përditësimi i fundit 22 Prill 2021, 18:12
Anija kozmike “Perseverance” ka arritur të prodhojë oksigjen në Mars, konfirmon Agjencia Amerikane e Hapësirës (NASA). Kjo është hera e parë që një anije kozmike prodhon oksigjen në një planet tjetër, një moment historik në misionet e ardhshme të kolonizimit me njerëz.
Instrumenti MOXIE (Eksperimenti i Shfrytëzimit të Burimeve të Oksigjenit në Mars) prodhoi oksigjen në kraterin Jezero Martian duke shndërruar dioksidin e karbonit atmosferik.
Atmosfera e rrallë e Marsit ka oksigjen pafundësisht të vogël dhe është 96% dioksid karboni, kështu që mund të vrasë shpejt një person që e merr frymë aty. MOXIE thith ajrin toksik të Marsit dhe ndahet - nga një proces i elektrolizës që zhvillon një temperaturë prej rreth 800 gradë Celsius - molekulat e karbonit nga ato të oksigjenit. Pastaj eliminon karbonin e padobishëm dhe ruan oksigjenin e vlefshëm që mund të përdoret.
Testi i parë prodhoi rreth 5.4 gram oksigjen, "sa për të mbajtur një astronaut të shëndetshëm për rreth dhjetë minuta aktivitet normal", sipas NASA. MOXIE, aktualisht, mund të prodhojë rreth dhjetë gram oksigjen në orë.
Rusia nis stërvitjet e mëdha ushtarake në Krime
22 Prill, 16:49
Sigurisht, raketave të oksigjenit të lëngët do t'u duhen sasi shumë më të mëdha për të qenë në gjendje të lëshohen nga Marsi. Për shembull, nisja e katër astronautëve nga planeti "i kuq" do të kërkonte rreth 7,000 kilogram karburant rakete dhe 25,000 kilogram oksigjen.
Një ditë, në të ardhmen, sipas NASA, njësi shumë më të mëdha MOXIE të afta për të prodhuar në masë oksigjen mund të dërgohen në planetin fqinj para se të mbërrijnë aty njerëzit e parë.
