Burri vret gruan dhe djalin dy vjeç. Plagos rëndë vajzën dhe më pas vetëvritet
Nga OraNews Përditësimi i fundit 9 Nëntor 2020, 08:59
Tragjedi në një familje në fshatin Ceretto di Carignano në Itali. Alberto Accastello, 40 vjeç, punëtor në Cerealceretto, një kompani që merret me drithëra, qëlloi gruan e tij Barbara Gargano, 38, një arkëtare në një supermarket dhe plagosi rëndë fëmijët e tij binjakë Alessandro dhe Aurora para se të vriste veten.
Ndërkohë plumbave nuk i ka shpëtuar as qeni i familjes, raporton Ora News.
Fëmijët u transportuan në spitalin Regina Margherita në Torino ku Alessandro vdiq pas mbërritjes, ndërsa Aurora vijon të jetë në gjendje kritike, përcjell Ora News lajmet e mediave italiane.
Karabinierët mbërritën menjëherë në vendngjarje, ndërsa mësohet se arma me të cilin u krye krimi tragjik isht me leje.
Arsyet e aktit makabër nuk dihen ende, por sipas informacioneve paraprake mësohet se bashkëshortja i kishte kërkuar divorcin 40-vjeçarit.
Më pas ai i telefonoi vëllait të tij, për ti thënë do të vdiste.
Hetimet për ngjarjen vijojnë ende.
