Elbasani nuk e ndal jetën kulturore edhe në kohë pandemie
Nga OraNews Përditësimi i fundit 7 Nëntor 2020, 15:40
Pandemia e koronavirusit ka ndikuar shuam edhe në jetën kulturore dhe aktivitetin e artistëve. Por në Elbasan, pavarësisht pandemisë është mbajtur Festivali Ndërkombëtar i Orkestrës se Harqeve, një Festival që ka sjellë sado pak gjallërinë në qytet.
Edhe pse në Kohë të vështira për artin, për shkak të pandemisë së koronavirusit, qyteti i Elbasanit nuk ka ndalur aktivitetet kulturore që gjallërojnë qytetin.
Së fundmi është çelur në Elbasan, edicioni i pestë i Festivalit “Takimi ndërkombëtar i orkestrës së harqeve”.
Sipas organizatorëve, muzika sheshon kufijtë, rikthen shpresën dhe shëron shpirtrat e plagosur, ndaj gjykuan që edhe këtë vit të mos mungonte.
Për herë të parë në këtë Festival edhe artistët performuan me maska. Pandemia bëri që 4 grupe të tërhiqeshin në momentin e fundit nga pjesëmarrja.
Në fund të Festivalit, çmimi i parë ju dhurua Orkestrës së Harqeve të “Sigal Unica”, çmimi i dytë Orkestrës së Harqeve Elbasan dhe çmimi i tretë u fitua nga Orkestra e Harqeve Vlorë.
