I kërkuan të vendoste maskën, gruaja fillon t'u kollitet pasagjerëve në fytyrë dhe ti bërtiste: Të gjithë do të vdisni
Nga OraNews Përditësimi i fundit 20 Tetor 2020, 10:11
Gjatë një udhëtimi nga Belfasti për në Edinburg, një incident i pazakontë ka shokuar pasagjerët.
Pasi ju kërkua nga ekuipazhi të vendoste maskën gruaja filloi duke i bërtitur pasagjerëve të tjerë duke i thënë se do të vdesin.
Ajo qëllimisht po u kollitej në fytyrë duke shkaktuar një situatë tepër shqetësuese për personat që ndodheshin në bord.
Nga pamjet e filmuara nga pasagjerët e tjerë, gruaja dëgjohet duke sharë dhe bërtitur do të vdisni të gjithë.
“Jetojeni jetën. Të gjithë do të vdisni një ditë, e dini këtë? Të gjithë vdesin. Nga koronavirus apo diçka tjetër, vetëm një gjë është e sigurtë vdekja”- bërtiste ajo.
E sikur kjo të mos mjaftonte, ajo u kollitej para fytyrës pasagjerëve tjerë të cilët u tmerruan me veprimin e saj.
