Debati i inceneratorëve, gazetari: Po vidhen paratë e shqiptarëve me një skemë që fyen inteligjencën më të varfër
Nga OraNews Përditësimi i fundit 18 Tetor 2020, 17:56
Gazetari dhe aktivisti Aulon Kalaja, në një intervistë për Ora News, ka komentuar disa prej tema të aktualitetit në vend, ku nuk mund të lihej edhe ajo e inceneratorëve.
Sipas tij, paratë e shqiptarëve po vidhen me një skemë që fyen edhe inteligjencën më të varfër njerëzore.
Aulon Kalaja: “75 milionë euro janë një skemë e pastër korruptive, se si paratë e shqiptarëve mund të grabiten ditën për diell me një skemë, duhet thënë, që fyen edhe inteligjencën më të varfër njerëzore. Që do të thotë, këta inceneratorët i kanë kthyer në një skemë mashtrimi. Nuk ka rëndësi nëse Shqipëria ka plehra ose siç i quajnë këta mbetje, për tu djegur apo jo; nuk ka problem nëse një llogari fantazëm, e cila ka edhe llogari në off shore, i merr paratë dhe nuk financon fare për inceneratorin. Por nuk ka rëndësi edhe një i ashtuquajtur incenerator, që për mendimin tim janë të një teknologjie të dalë jashtë mode sepse ne e dimë që në BE, herë pas here, teknologjitë ndërrohen dhe teknologjitë e vjetra, përshirë edhe ato të inceneratorëve, vijnë në vende si Shqipëria.
Rasti i Elbasanit, është një incenerator që ka dalë jashtë përdorimit nga standartet e BE. Ndërkohë që Gjermania po ndjek me teknologjikë plazma, në Shqipëri ne kemi teknologji të viteve ‘70”.
