Itali: shikoni ku ishin fshehur 20 kg kokainë
Nga OraNews Përditësimi i fundit 17 Tetor 2020, 13:02
Sekuestrohen në Itali 20 kg kokainë e cilësisë mjaft të pastër me vlerë përfitimi 2.7 milionë euro.
Sekuestrimi është kryer në linjën e tragetit që lidh Siçilinë me Kalabrinë.
Një operacion i policisë financiare të Messinës ka çuar në kapjen e sasisë së drogës në një automjet i cili po udhëtonte me traget nga porti kalabrez Villa San Giovanni drejt Portit të Messinës.
Kokaina ishte fshehur në një vend të modifikuar në një automjet tip Fuoristrada e zbulimi i saj u bë falë qenve antidrogë me ndihmën e repartit të Antimafias italiane.
Korrieri i drogës një 50 vjeçar italian me inicilet L.G.R banues në Alessandrino është vënë në pranga në dispozicion të autoriteteve gjyqësore
