EMRI/ Bie nga ura teksa punonte me vinç, ndërron jetë 53-vjeçari
Nga OraNews Përditësimi i fundit 30 Shtator 2020, 10:46
Një 53-vjeçar ka humbur jetën gjatë punës për ndërtimin e “Rrugës së Arbrit”.
Ngjarja e rëndë ka ndodhur në fshatin Klos, ndërsa Astrit Alla ishte duke punuar me vinç kur ka rënë nga ura duke gjetur vdekjen.
"Rreth orës 09.40, në rrugën e Arbrit, shtetasi A. A., rreth 53 vjeç, duke punuar me një automjet të rëndë (vinç) në urën e fshatit Fshat, Klos, është aksidentuar dhe për pasojë ka humbur jetën", thuhet në njoftimin e Policisë.
Grupi hetimor po punon për shkaqet e aksidentit tragjik.
