Modelja mbipeshë që po ndryshon industrinë e modës
Nga OraNews Përditësimi i fundit 15 Maj 2016, 09:55
“Kur i them njerëzve që jam modele më shohin sikur kam vrarë dikë”. Kështu shprehet për Telegraph Tess Holliday, e masës 26 (mbipeshë) teksa qëndron në një studio të Manhattan.Vitin e kaluar, 30 vjeçarja, me një trup të mbuluar nga tatuazhe , u bë femra e parë mbipeshë që lidhi kontratë me një agjensi të fuqishme mode.Shumë shpejt ajo doli në kopertinën e revistës prestigjoze People.“Supermodelja e parë në SHBA mbipeshë!”, shkruhej në faqen e parë pranë imazhit të bukuroshes Tess.Pas fushatës së saj #effyourbeautystandards në Instagram, për t'i treguar gishtin e mesit të gjithë atyre që thonin se të shëndoshët nuk mund të jenë të bukur, ndjekësit e saj shkuan deri në një milion.Fotot për lëvizjen “pozitivitet për trupin”, që ka si qëllim t’i bëjë njerëzit të ndjehen mirë me peshën e tyre, e tregojnë modelen amerikane me një stil të viteve 1950, si një vajzë “Vargas”.
/Oranews.tv/
