Arrestohet një australiane në Dubai pas një postimi në Facebook
Nga OraNews Përditësimi i fundit 14 Korrik 2015, 14:14
Një grua australiane është arrestuar nga autoritetete e Abu Dabit pas thyerjes së rregullave ligjore të rrjeteve sociale të vendit.Jodi Magi, 39 vjeç, po mbahet në burg në pritje që të bëhet dëbimi i saj.Magi u dënua se “shkroi fjalë të këqija për një person” tha Gjykata e Abu Dabit.Vepra e saj ishte postimi i fotos së një makine të parkuar në vendin e rezervuar për njerëzit me aftësi të kufizuar.
Ajo shkaktoi zemërim tek autoritetet, edhe pse numri i targës së makinës ishte fshehur.Duke qenë e dënuar, Magi u përpoq të largohej nga vendi vetëm duke paguar gjobën prej 1.727 paundësh. Por kjo ofertë u hodh poshtë nga autoritetet e Abu Dabit që insistonin që ajo të paraqitej në gjykatë.Në këtë pikë, ajo u arrestua dhe u mor me furgonin e policisë. “Askush nuk më thotë se çfarë po ndodh,” tha ajo për televizionin Australian ABC, nga pjesa e prapme e furgonit të policisë.“Jam e frikësuar, ata ishin gati të më mbyllnin në një paraburgim meshkujsh”.Departamenti i Jashtëm i Shtetit në Australi tha se vizitorët që shkojnë në Emiratet e Bashkuara Arabe duhet të jenë të vetëdijshëm për ligjet e vendit.
