100 metra lartësi, por aspak të frikësuar. Ja shkëmbi i preferuar nga njerëzit për të bërë foto
Nga OraNews Përditësimi i fundit 14 Korrik 2015, 13:07
Ky është shkëmbi Seven Sisters, në Seaford në jug të Anglisë. Ky vend është shumë i preferuar nga njerëzit për të bërë foto. Kjo për ngjyrën e bardhë që ka dhe sepse është shumë i thepisur, si të ishte i prerë me thikë.Një grup adoleshentësh nuk janë aspak të frikësuar nga lartësia pre gati 100 metrash e një shkëmbi.Ata shfaqen duke tundur këmbët e duke lozur me njëri-tjetrin, disi të shkujdesur.Edhe pse ndodhej një milje larg, fotografi Patrick Goff i fotografoi adoleshentët që rrinin në cep të shkëmbit dhe i cilësoi ata si “budallenj”.Goff tha se kjo është një pikë ku ndalojnë të gjithë njerëzit për të bërë foto por duhet të merren masat që mos ndodhin rënie aksidentale.“Unë isha shumë larg dhe nuk kisha mundësi të shkoja e t’i flisja, por vendosa të vij në shtëpi e të postoj në internet në mënyrë që mesazhi im të bëhet jehonë për kujdesin që duhet treguar në ato shkëmbinj”.
