Britania ndan 23 milionë euro për të frenuar përhapjen e Ebolës në Kongo
Nga OraNews Përditësimi i fundit 21 Maj 2026, 16:48
Britania e Madhe ka njoftuar një paketë të re financimi deri në 23 milionë euro për të ndihmuar në luftën kundër përhapjes së Ebola-s në lindje të Republikës Demokratike të Kongos.
Sipas Ministrisë së Jashtme britanike, fondet do të përdoren për të mbështetur Organizatën Botërore të Shëndetësisë, agjencitë e OKB-së dhe organizatat humanitare që janë në terren.
Deri më tani, në Kongo janë raportuar rreth 600 raste të dyshuara me Ebola dhe 139 vdekje të dyshuara. Nga këto, 51 raste janë konfirmuar me analiza laboratorike, ndërsa dy raste janë regjistruar edhe në Ugandën fqinje.
Organizata Botërore e Shëndetësisë paralajmëron se ekziston rreziku që virusi të vazhdojë të përhapet dhe të krijojë një krizë më të gjerë shëndetësore në rajon.
Ndihma britanike do të përdoret për forcimin e kontrollit epidemiologjik, mbrojtjen e punonjësve shëndetësorë dhe përmirësimin e masave për parandalimin e infeksionit në zonat e prekura.
