Kate Middleton 'shkëlqen' në Londër për Anzac Day/ Elegancë mbretërore me veshje blu dhe detaje simbolike
Nga OraNews Përditësimi i fundit 26 Prill 2026, 09:51
Kate Middleton është shfaqur në Londër gjatë ceremonisë përkujtimore të Anzac Day, ku mori pjesë në nderim të ushtarëve australianë dhe neozeelandezë.
Princesha e Uellsit u paraqit me një fustan-pallto ngjyrë blu të errët me detaje të bardha, një zgjedhje e thjeshtë dhe formale që i përshtatej rastit solemn.
Ajo e kombinoi veshjen me një kapelë në të njëjtën nuancë dhe aksesorë të përmbajtur.
Vëmendje morën edhe bizhuteritë e saj, përfshirë vathët me safir dhe një gjerdan me gur blu, që harmonizoheshin me ngjyrën e veshjes.
Në veshje kishte vendosur edhe simbolin e lulëkuqes së kuqe, i përdorur për të kujtuar ushtarët e rënë.
Kate Middleton u shfaq e vetme në ceremoni, duke ruajtur stilin e saj të njohur të thjeshtë, elegant dhe të përshtatur me raste zyrtare dhe përkujtimore.
