FOTO/ RIKTHEHEN PUSSYCAT DOLLS! Por kësaj here ribashkohen si një...
Nga OraNews Përditësimi i fundit 12 Mars 2026, 17:41
Grupi i njohur pop The Pussycat Dolls është rikthyer zyrtarisht, këtë herë ribashkohen si një trio.
Anëtaret origjinale Nicole Scherzinger, Kimberly Wyatt dhe Ashley Roberts janë ribashkuar për të ringjallur grupin, duke prezantuar një këngë të re dhe një turne botëror për të festuar 20-vjetorin e albumit të tyre debutues PCD.
Kënga është prodhuar nga Mike Sabath dhe është shkruar nga Nicole Scherzinger, Sabath, Caroline Ailin dhe Solly. Ky është publikimi i parë i ri i grupit që nga kënga React në vitin 2019.
Përveç muzikës së re, grupi ka shpallur edhe turneun PCD Forever Tour, i cili do të përfshijë 53 koncerte në Amerikën e Veriut, Evropë dhe Mbretërinë e Bashkuar.
Turneu do të nisë më 5 qershor në Palm Desert, California, dhe do të përfshijë edhe një koncert në Madison Square Garden në New York City më 20 korrik.
Pas koncerteve në qytete si Toronto, Montreal, Nashville dhe Dallas, turneu do të vazhdojë në Evropë duke filluar nga Copenhagen më 9 shtator dhe do të përfundojë në The O2 Arena më 13 tetor. Në disa koncerte do të jenë të ftuara speciale edhe artistet Lil’ Kim dhe Mýa.
