"Thirrje për paqen", apelet e Papës Leoni XIV mbi konflikte në botë
Nga Siklajda Shorja Përditësimi i fundit 8 Mars 2026, 14:04
Papa Leos shprehu shqetësim të thellë për përshkallëzimin e dhunës në Iran dhe Lindjen e Mesme, duke kërkuar paqe dhe dialog. Ai paralajmëroi për përhapjen e mundshme të konfliktit dhe kritikoi veprimet ushtarake SHBA-Izrael.
Papa Leo tha të dielën se lajme thellësisht shqetësuese vazhdojnë të vijnë nga Irani dhe nga e gjithë Lindja e Mesme, duke kërkuar ndërprerjen e dhunës dhe përpjekje për dialog. Ndërsa luftimet u përshkallëzuan në ditën e nëntë të sulmit SHBA-Izrael ndaj Iranit, Papa i parë amerikan paralajmëroi se konflikti po nxiste frikë dhe urrejtje dhe ngriti shqetësime se mund të përhapej më tej.
"Krahas episodeve të dhunës dhe shkatërrimit dhe klimës së përhapur të urrejtjes dhe frikës, ekziston gjithashtu shqetësim në rritje se konflikti mund të përhapet dhe se vendet e tjera në rajon, përfshirë Libanin e dashur, mund të zhyten përsëri në paqëndrueshmëri. Le t'i drejtojmë lutjen tonë të përulur Zotit që gjëmimi i bombave të pushojë, që armët të heshtin dhe që të hapet hapësira për dialog në të cilin të dëgjohen zërat e popujve".
Thirrja e tij për paqe erdhi gjatë lutjes Angelus, ku ai kërkoi t'i jepej fund bombardimeve dhe të hapej dialogu.
Papa iu bashkua thirrjes, duke dënuar sulmet SHBA-Izrael për minimin e ligjit ndërkombëtar. Sipas tij kombet nuk kishin të drejtë të nisnin "luftëra parandaluese", një kritikë jashtëzakonisht e drejtpërdrejtë ndaj fushatës ushtarake. Deklarata shënoi një qortim të rrallë të veprimeve ushtarake parandaluese, duke sinjalizuar qëndrimin e Vatikanit kundër përshkallëzimit të konflikteve pa përpjekje të plota diplomatike.
