S*lm i rëndë në Pakistan! Shpërthen lënda plasëse jashtë një stacioni policie, mbeten dy viktima dhe dhjetëra të lënduar
Nga OraNews Përditësimi i fundit 16 Shkurt 2026, 19:48
Të paktën dy persona u vranë dhe 17 të tjerë u plagosën në një sulm me bombë, jashtë një stacioni policie në provincën Khyber Pakhtunkhwa të Pakistanit veriperëndimor.
Një zëdhënës i policisë tha se një bombë e vendosur në një motoçikletë të dielën, shpërtheu jashtë stacionit të policisë Mirian, në distriktin Bannu.
Ekipet e shpëtimit nxituan në vendngjarje dhe i transferuan të plagosurit në një spital aty pranë, disa prej të cilëve janë në gjendje kritike. Një fëmijë ishte midis të vdekurve.
Askush nuk e ka marrë përgjegjësinë menjëherë për sulmin.
Guvernatori i provincës, Faisal Karim Qundi, e dënoi bombardimin, duke shprehur ngushëllime familjeve të të vdekurve dhe duke u uruar shërim të shpejtë të plagosurve.
