Ish-Kryeministri norvegjez Jagland akuzohet për korrupsion të lidhur me Jeffrey Epstein
Nga OraNews Përditësimi i fundit 13 Shkurt 2026, 11:20
Ish-Kryeministri i Norvegjisë, Thorbjorn Jagland, është akuzuar për “korrupsion të rëndë” nga autoritetet norvegjeze për lidhjet e tij me financuesin e dënuar Jeffrey Epstein. Hetimet fokusohen në dhurata, udhëtime dhe hua që Jagland mund t’i ketë marrë gjatë periudhës kur mbante pozicione të larta, përfshirë edhe kryesimin e Komitetit Norvegjez të Nobelit.
Autoritetet kontrolluan disa prona të Jagland pasi që imuniteti diplomatik i tij nga Këshilli i Evropës u hoq për t’i lejuar hetimet. Email-et e zbuluara tregojnë komunikime miqësore midis tij dhe Epstein, përfshirë kërkesën e Jagland për të qëndruar në një pronë të Epstein në Paris në 2015.
Lidhjet me Epstein kanë shkaktuar shqyrtime edhe për figura të tjera të njohura norvegjeze, përfshirë Princeshën Mette-Marit, ish-ministrin Borge Brende dhe ish-ambasadoren Mona Juul. Kryeministri Jonas Gahr Store mbështet një hetim të pavarur dhe është i gatshëm të dëshmojë në lidhje me aktivitetet e tij si ish-ministër i Jashtëm.
