"Ky model kujdeset për dh*nën në shkolla"- Erald Kapri: Zonja Kumbaro, ki dinjitet dhe jep dorëheqjen
Nga OraNews Përditësimi i fundit 12 Shkurt 2026, 12:55
Deputeti i Partisë Demokratike, Erald Kapri ka kërkuar dorëheqjen e ministres Mirela Kumbaro, duke deklaruar se kjo e fundit i ka dhënë drejtimin e arsimit parauniversitar një të proceduare.
Në fjalën e tij në seancë plenare, Kapri theksoi se pas Kumbaros qëndron Arta Dollani, e cila gjithashtu sipas tij qëndroi edhe pas heqjes së 800 hektarëve në zonën e Butrintit. Sipas tij, ministrja Kumbaro nuk ka guximin ta shkarkojë nga detyra edhe pse ajo pritet të dënohet shumë shpejt.
"Ajo që nuk do flasë këtu ministrja Kumbaro është modeli i saj. Modeli i saj është Arta Dollani. Kjo zonjë e ndjek nga pas duke marrë postet më të rëndësishme. Ishte kjo zonjë pas heqjen se 800 hektarëve në zonën e Butrinti për ti hapur rrugë pikës së vogël në Butrint. Kjo ishte pjesë e grupit të strukturuar për mbetjet. Dhe ende sot nuk kemi zgjidhje se çfarë do bëjë qeveria në lidhje me këto mbetje të rrezikshme. Ky model kujdeset për dhunën në shkolla, ministrja Kumbaro nuk ka guximin ta shkarkojë nga detyra edhe pse ajo pritet të dënohet shumë shpejt. I ka dhënë drejtimin e arsimit paraunversitarë një të dënuare. Zonja Kumbaro të paktën këtë herë ki dinjitet dhe jep dorëheqjen”, tha Kapri.
