TONI KROOS MBRON RONALDON/ Ish-mesfushori: Pa CR7-n, askush nuk do ta shikonte Ligën Saudite
Nga Gentian Duka Përditësimi i fundit 10 Shkurt 2026, 13:02
Toni Kroos ka kritikuar ashpër Ligën Profesionale Saudite dhe mënyrën se si po trajtohet Cristiano Ronaldo. Ish mesfushori gjerman tha në një intervistë për mediat se rritja e vëmendjes globale ndaj kampionatit saudit lidhet drejtpërdrejt me ardhjen e Ronaldos, ndërsa shtoi se nëse portugezi do të largohej, askusht nuk do ta shihtë më atë kampionat
Toni Kros e di mirë impaktin që ka Ronaldo në fushën e blertë por edhe jashtë saj. Të dy kanë ndarë dhomat e zhveshjes te Real Madrid, teksa sëbashku fituan dhjetëra trofe me los blankos. Ish mesfushori gjerman ka zgjedhur të reagojë për situatën që po kalon ish shoku i tij i skuadrës te Al Nasër. Sipas Kroos, rritja e famës së kampionatit saudit lidhet pothuajse tërësisht me praninë e yllit portugez.
“Liga saudite është një realitet krejt tjetër. Para ardhjes së Cristiano Ronaldos, shumë pak njerëz e dinin se ekzistonte. Sot, në mënyrë paradoksale, nuk po respektohet pikërisht ai që i dha asaj vëmendje ndërkombëtare”
Gjermani thekson se ndikimi i Ronaldos në futbollin saudit nuk mund të nënvlerësohet.
“Po e them qartë: nëse Cristiano largohet nesër, askush nuk e ndjek më atë ligë”
Më parë Toni Kroos ka kritikuar futbollistët evropianë që transferohen në Arabinë Saudite për arsye financiare, duke pretenduar se duke vepruar kështu, ata tradhtojnë traditat e futbollit. Kroos dhe Ronaldo luajtën së bashku te Real Madridi nga viti 2014 deri në vitin 2018, teksa më pas ylli portugez u largua nga Madridi për te Juventusi. Ndërkaq, Toni Kros u terhoq nga futbollit në verën e vitit 2024 dhe tashmë po shijon jetën përtej fushës së blertë.
