FOTO/ E dashura e Leonardo DiCaprio, mban flamurin italian në Ceremoninë Hapëse të Lojërave Olimpike Dimërore 2026

Nga OraNews Përditësimi i fundit 7 Shkurt 2026, 13:47

Modelja italiane Vittoria Ceretti e dashura 27-vjeçare e aktorit Leonardo DiCaprio, kishte nderin të mbante flamurin italian gjatë ceremonisë hapëse të Lojërave Olimpike Dimërore në San Siro Stadium në Milan.

Ceretti, e cila vjen nga Brescia, vetëm 90 minuta larg Milanit, ia dorëzoi flamurin Gardës Nderit të Karabinierëve italianë, Corazzieri, pas performancës së Mariah Carey.

Ajo u shfaq në një fustan të gjatë të bardhë, i punuar me porosi nga Armani Privé, me mëngë dramatike dhe qafë të lartë, duke sjellë një moment elegancë dhe sofistikimi në këtë ngjarje ndërkombëtare.

Gjatë ceremonisë, Ceretti u shfaq në fund të një radhë pjesëmarrësish të veshur me kostume në ngjyrat e flamurit italian: të bardhë, të kuqe dhe të gjelbër.

Publiku dhe mediat italiane nuk kursyen komplimente, duke e përshkruar modelen si shembull të bukurisë dhe elegancës.

Ceretti dhe DiCaprio kanë qenë të lidhur për më shumë se dy vitesh, duke u parë së bashku në Ibiza, Sardinia dhe Los Angeles gjatë këtyre kohëve.

Një burim i PEOPLE në 2024 tha se DiCaprio “duket shumë i dashuruar” me modelen, duke e përshkruar atë si “shumë të ëmbël, të bukur dhe tërheqëse.”