EasyJet zgjeron kapacitetet/ Blen kompaninë sllovene të mirëmbajtjes Adria Tehnika!
Nga OraNews Përditësimi i fundit 27 Dhjetor 2025, 16:15
Kompania britanike e fluturimeve me kosto të ulët, EasyJet, deklaroi se ka rënë dakord të blejë kompaninë sllovene të mirëmbajtjes së avionëve, Adria Tehnika, për një shumë që nuk është bërë publike.
Fabrika e mirëmbajtjes së avionëve Adria Tehnika me pesë hangarë në Brnik ka kryer prej vitesh mirëmbajtje për flotën e EasyJet, dhe linja ajrore synon të bëjë investime afatgjata në këtë objekt.
Marrëveshja me Adria Tehnika shënon hapin e radhës në shtyrjen e EasyJet drejt marrjes së më shumë baza mirëmbajtjeje nën kontroll të brendshëm, duke ndjekur blerjen e fundit të operacionit të SR Technics në Maltë, shtoi kompania ajrore.
Blerja u nënshtrohet aprovimeve rregullatore dhe pritet të përfundojë në fillim të vitit 2026. Adria Tehnika, e cila do të vazhdojë të drejtohet nga CEO Barbara Perko Brvar, do të mbetet e bazuar në Slloveni.
EasyJet operon një flotë prej mbi 350 avionësh Airbus A320, duke shërbyer më shumë se 1,000 linja drejt mbi 160 aeroporteve në 35 vende. Aktualisht, EasyJet operon fluturime drejt Lubjanës nga aeroportet London Gatwick dhe Manchester, dhe do të nisë fluturime nga Edinburgu më 4 prill për sezonin e ardhshëm veror.
