Milani synon afrimin e Vlahovic, Igli Tare nis misionin për serbin
Nga OraNews Përditësimi i fundit 27 Dhjetor 2025, 12:37
Milani ka hyrë fuqishëm në garë për një nga goditjet më të bujshme të merkatos së verës, afrimin e Dusan Vlahovic me parametër zero duke nisur nga muaji korrik.
Klubi kuqezi po lëviz në prapaskenë dhe kontaktet e para tashmë janë vendosur.
Sipas gazetarit Nicolò Schira, javën e kaluar agjenti i sulmuesit serb, Darko Ristic, është takuar me Igli Taren për të diskutuar konkretisht mundësinë e operacionit.
Në qendër të bisedës kanë qenë si kushtet ekonomike të marrëveshjes, ashtu edhe projekti sportiv i Milanit për vitet e ardhshme.
Drejtuesit kuqezinj synojnë të forcojnë repartin ofensiv me një profil të nivelit të lartë dhe Vlahovic përfaqëson një mundësi strategjike, sidomos duke marrë parasysh statusin e tij kontraktual.
Milani po studion me kujdes terrenin, ndërsa takimi mes palëve shihet si një hap i rëndësishëm drejt një operacioni që mund të ndryshojë balancat e merkatos së verës.
