George Clooney e ka vendosur, nuk do të puthë më vajza, arsyeja vjen nga...
Nga OraNews Përditësimi i fundit 16 Dhjetor 2025, 18:58
George Clooney ka zbuluar se nuk ka më interes të puthë kolege femra në film, një vendim që ka ardhur pas një bisede me gruan e tij, Amal Clooney. Aktori 64-vjeçar tha në një intervistë për Daily Mail se po ndjek rrugën e legjendës Paul Newman: “Mirë, nuk do të puth më vajza.”
Clooney shtoi: “Kur mbusha 60, bisedova me gruan time. I thashë: ‘Shikoj, ende mund të luaj basketboll me djemtë, mund të luaj me 25-vjeçarë, jam në formë. Por pas 25 vjetësh, do jem 85 vjeç. Nuk ka rëndësi sa granola hani, kjo është e vërteta.’”
Gjatë karrierës së tij, Clooney ka luajtur në shumë filma romantikë, përfshirë Ticket to Paradise (2022) me Julia Roberts, Intolerable Cruelty (2003) me Catherine Zeta-Jones dhe One Fine Day (1996) me Michelle Pfeiffer. Në intervista të mëparshme, ai ka treguar edhe për vështirësitë e skenave të puthjeve, si në filmat me Roberts, ku u deshën disa dhjetëra tentativa për të realizuar skenën e puthjes.
Aktori gjithashtu foli për sekretin e martesës së tij të qëndrueshme me Amal, 47 vjeç. “Kur je më i ri, do gjithçka të jetë sipas mendjes sate. Por tani, nëse ajo do të pikturojë murin me të kuqe, nuk më intereson,” tha ai.
George dhe Amal u njohën në korrik 2013, filluan të takoheshin dhe u martuan në shtator 2014. Ata kanë binjakët Alexander dhe Ella, 8 vjeç.
