VIDEO/ Rrëzohet avioni në Meksikë, humbin jetën 7 pasagjerë
Nga OraNews Përditësimi i fundit 16 Dhjetor 2025, 09:27
Shtatë persona kanë humbur jetën pasi një avion i vogël privat u rrëzua ndërsa përpiqej të bënte ulje emergjente në Meksikën qendrore.
Avioni u rrëzua në San Mateo Atenco, një zonë industriale rreth 50 kilometra në perëndim të Mexico City, pasi u ngrit nga Acapulco, në bregdetin e Paqësorit të Meksikës.
Sipas mediave, aeroplani u përpoq të ulej në një fushë futbolli, por goditi çatinë metalike të një biznesi aty pranë, duke shkaktuar një zjarr të madh. Për gazetën The Telegraph, Adrián Hernández, Koordinatori i Mbrojtjes Civile të Shtetit të Meksikës, tha se avioni mbante tetë pasagjerë dhe dy anëtarë të ekuipazhit. Disa orë pas rrëzimit, ishin gjetur vetëm shtatë trupa.
Shërbimet e emergjencës i përgjigjen rrëzimit të aeroplanit në Toluca, Meksikë. Mediat shkruajnë se kryebashkiakja i San Mateo Atenco, Ana Muñiz, tha se zjarri detyroi evakuimin e rreth 130 njerëzve nga zona përreth. Shkaku i rrëzimit është nën hetim.
