Barcelona konfirmon mungesën e Frenkie de Jong ndaj Atlético Madrid për shkak të temperaturës
Nga OraNews Përditësimi i fundit 2 Dhjetor 2025, 16:04
Barcelona ka njoftuar zyrtarisht se mesfushori Frenkie de Jong nuk do të jetë i gatshëm për ndeshjen ndaj Atlético Madrid-it, që zhvillohet në mbrëmje, pasi holandezi ka temperaturë e lartë.
De Jong ka munguar edhe në sfidën ndaj Alaves, fillimisht për arsye personale, ndërsa ndeshjen para saj, atë ndaj Athletic Club, e humbi për shkak të pezullimit.
Katalanasit do të jenë pa një tjetër titullar të rëndësishëm: Ronald Araujo nuk do të luajë as këtë takim.
Mbrojtësi fillimisht u përjashtua nga ndeshja me Alaves me arsyetimin se kishte probleme në stomak.
Megjithatë, trajneri aktual i Barcelonës, Hansi Flick, më vonë sqaroi se vendimi erdhi për t’i dhënë Araujo-s kohë të rikuperohet fizikisht dhe mendërisht, pas kartonit të kuq të marrë në mesjavë ndaj Chelsea-t.
Barcelona shkon në përballjen me Atlético Madrid-in me mungesa të rëndësishme në formacion, duke testuar edhe një herë thellësinë (lojtarët e stolit) e skuadrës së Flick-ut.
