FOTO+VIDEO/ Përshkallëzohet protesta në Greqi! Gaz lotsjellës drejt fermerëve, nisin përleshjet me policinë, disa të pl*gosur
Nga OraNews Përditësimi i fundit 30 Nëntor 2025, 17:31
Tensione janë regjistruar në protestën e fermerëve, që po mbahet këtë të diel në Greqi.
Mediat greke shkruajnë se fermerët janë përplasur me policinë dhe kanë carë bllokadën e këtyre të fundit me traktorë dhe mjetet e tyre bujqësore.
Si pasojë ata kanë bllokuar rrugën Athinë-Selanik, ndërsa raportohet se forcat e policisë për ti larguar kanë qëlluar me gaz lotsjellës dhe materiale kimikë.
Si pasojë e përplasjeve disa prej tyre kanë mbetur të lënduar dhe janë nisur drejt spitalit për ndihmë mjekësore.
Sipas mediave lokale protestat e fermerëve po përshkallëzohen, ndërsa ata shprehen se protestat e tyre do të vijojnë kundër rritjes së kostove të prodhimit, çmimet e ulëta dhe vonesave në pagesa.
