GOLDEN BOY 2025/ Fiton futbollisti i PSG-së, Désiré Doué me dy gola të shënuar në finale
Nga OraNews Përditësimi i fundit 5 Nëntor 2025, 14:20
Çmimi Golden Boy këtë vit për lojtarët me të mirë nën 21 vjeç i shkoi yllit të PSG-së Désiré Doué, i cili shënoi dy gola në finalen e Champions League kundër Interit.
Désiré Doué, lojtari i Paris Saint-Germain është vlerësuar me çmimin Golden Boy, i cili jepet nga gazeta italiane Tuttosport për futbollistin më të mirë nën 21 vjeç në klubet evropiane gjatë vitit kalendarik.
Ai pason Lamine Yamal nga Barcelona, i cili e fitoi vitin e kaluar, por nuk mund ta fitojë më, pasi çmimi i jepet një lojtari të ndryshëm çdo vit.
Doué, 20 vjeç, u shpall njeriu i finales së Ligës së Kampionëve duke shënuar dy gola, ndërsa më herët kishte tundur rrjetën 16 herë me Parisin në kampionat.
Juria zgjodhi yllin e PSG-së, tani i lënduar, nga një listë prej 20 lojtarësh të përzgjedhur nga Indeksi i Standardeve të Futbollit Golden Boy, një mjet që merr të dhëna nga lojtarët sipas performancave të tyre në klubet evropiane, duke përdorur të dhëna si minutat e luajtura, performancat, aktiviteti i transferimeve.
Më herët ky trofe është fituar nga Yamal në vitin 2024, Jude Bellingham në vitin 2023, Gavi në vitin 2022, Pedri në vitin 2021, Haaland në vitin 2020.
Fituesit e mëparshëm përfshijnë Mbappé në vitin 2017, Pogba në vitin 2013, Messi në vitin 2005 dhe Rooney në vitin 2004.
Tuttosport gjithashtu njohu Michelle Agyemang, sulmuesen 19-vjeçare nga Brighton, e cila tani është huazuar te Arsenali, veçanërisht për golat e saj gjatë Kampionatit Evropian 2025, ku ajo shënoi dy gola në fund të ndeshjes eliminatore që ndihmuan Anglinë të arrinte në finale.
Fatkeqësisht, Agyemang theu ligamentin e kryqëzuar anterior gjatë një ndeshjeje miqësore për Anglinë dhe do të humbasë pjesën tjetër të sezonit.
Ky vit ishte hera e katërt që jepet çmimi “Vajza e Artë”. Ajo pason Vicky López nga Barcelona, Linda Caicedo nga Real Madrid dhe Jule Brand nga Hoffenheim dhe Ëolfsburg.
